**ഇന്ന് നിങ്ങളുടെ ജീവിതത്തിലെ ഒരു സുന്ദരദിവസമാകട്ടെ.. **

Saturday, December 29, 2012

ന്‍റെ വെരുകേ....നീയേ ശരണം...


 

 

    ആ വെരുക്‌ രക്ഷപെട്ടോ എന്തോ ??

അഥവാ മരിച്ചെങ്കില്‍ വെരുകിന്‍റെ ആത്മാവിനു പ്രണാമം .ആരൊക്കെ നിന്നെ മറന്നാലും, പ്രാകിയാലും പ്രവാസികള്‍ നിന്‍റെ കുഴിമാടത്തിനുമുന്നുല്‍ പൂച്ചെണ്ടുകള്‍ അര്‍പ്പിക്കും.ജീവന്‍ കൊടുത്തിട്ടാണെങ്കിലും നീ ഒരു പണി കൊടുത്തു ..   നന്നായി വരും വെരുകെ... .മംഗലാപുരംദുരന്തത്തില്‍ വെന്തു മരിച്ചവരുടെ ആത്മാക്കള്‍ നിനക്കുമേല്‍ പുഷ്പവൃഷ്ടി നടത്തുന്നത് ഞങ്ങള്‍ക്ക് കാണാന്‍ കഴിയും.

അതല്ല നീ ജീവിച്ചിരുപ്പുണ്ടെങ്കില്‍ ഇതൊരു അറിയ്പ്പായിക്കരുതി ഞങ്ങളെ ബന്ധപ്പെടണമെന്ന് അപേക്ഷിക്കുന്നു.കുറച്ചു പൈസ പൊടിച്ചാലും നിനക്ക് ഞങ്ങള്‍ പ്രവാസികള്‍ ഒരു അവാര്‍ഡ്‌ തരികതന്നെചെയ്യും.അവാര്‍ഡിനു വേണ്ടി ലോകത്ത് ഇന്നുവരെ കേട്ടിട്ടില്ലാത്ത കടലാസ്സ്‌ സംഘടനകള്‍ ഉണ്ടാക്കി പണംകൊടുത്ത് കൈയ്യടിയും സംഘടിപ്പിക്കുന്ന പരിപാടി ആയിരിക്കില്ല അത് .....

മുപ്പത്തിയാറുമണിക്കൂര്‍ പച്ചവെള്ളംപോലും തരാതെ കേരളം മുഴുവന്‍ തേരാപാരാ പറത്തിയിട്ട് അവസാനം പെരുവഴിയില്‍ ഇറക്കിവിട്ടതിനെ ചോദ്യംചെയ്തുവെന്ന കാരണത്താല്‍ കേസുംപുക്കാറുമായി കറങ്ങാന്‍ വിധിക്കപ്പെട്ടവരുടെ ഇടയില്‍ നീയൊരു മഹാന്‍ തന്നെയാണ്.മാന്യമായി പണംകൊടുത്ത് ടിക്കറ്റ് എടുത്തു യാത്രചെയ്തു എന്നതുകൊണ്ട് ഞങ്ങള്‍ക്ക് പ്രതിഷേധിക്കാന്‍ അവകാശമില്ല. കുടിക്കാന്‍ വെള്ളം തരണേ...പറഞ്ഞസ്ഥലത്തുതന്നെ ഇറക്കിവിടണേ എന്നൊക്കെ പറഞ്ഞാല്‍ അത് റാഞ്ചലായി വ്യാഖ്യാനിക്കും.അതുകൊണ്ട് പരമാവധി മാറിനടക്കാനാണ് ഇപ്പോള്‍ ശ്രമിക്കുന്നത്.ഒഴിഞ്ഞ സീറ്റുകളൂമായി ചുമ്മാപറന്നു കളിച്ചാലും എയറിനൊ, ഇന്ത്യയ്ക്കൊ,  ആര്‍ക്കും ഒരു വിഷമവുമില്ല.

നിനക്കാകുമ്പോള്‍ ഒന്നും പേടിക്കേണ്ടല്ലോ ..വെരുകായതിനാല്‍ നിയമങ്ങള്‍ ബാധകമല്ലാത്തതിനാല്‍ നിന്നെയാരും അറസ്റ്റ്‌ചെയ്യാനും, ലോക്കപ്പിലിടാനും വരില്ലാല്ലോ..

മംഗലാപുരം ദുരന്തത്തില്‍ മരിച്ചവരുടെ കുടുംബങ്ങള്‍ക്ക് കിട്ടേണ്ട നഷ്ടപരിഹാരം ഓരോരോ കാരണങ്ങല്‍  പറഞ്ഞുകൊണ്ടു ഇനിയും കൊടുത്തുതീര്‍ക്കാത്ത എയര്‍ഇന്ത്യയ്ക്കിട്ട് പണികൊടുത്ത വെരുകിനെ എന്താണ് വിളിയ്ക്കുക?? ....ആഗോള പ്രവാസികളുടെ വീരനായകനാണ് നീ..

അന്‍പത്തിയാറ് കോടിരൂപയുടെ പണിയാണ് നമ്മുടെ വെരുക്‌ എയര്‍ ഇന്ത്യക്കിട്ടു കൊടുത്തത്.കേടായ എഞ്ചിന്‍ നന്നാക്കാന്‍ വേണ്ടിമാത്രം 44 കോടി വേണ്ടി വന്നു. 18 ദിവസം പറക്കാതെ കിടന്നപ്പോള്‍ 6 കോടി 66 ലക്ഷമാണ് നഷ്ടം.പാര്‍ക്കിംഗ് ചാര്‍ജ്‌, നികുതി തുടങ്ങിയ ഇനത്തില്‍ നല്ലൊരു തുക വേറെയും ചിലവായി.ഇതെല്ലാം ആര്‍ക്കുമൊരു പ്രശ്നമല്ല .അപകടത്തില്‍ മരണമടഞ്ഞവര്‍ക്കുള്ള നഷ്ടപരിഹാരം ചോദിച്ചാല്‍ നൂറായിരം കുഴപ്പങ്ങള്‍ ആണ്.ന്യായമായും കിട്ടേണ്ട അവകാശങ്ങളെക്കുറിച്ച് ചോദിച്ചാല്‍ അതു ഭീഷണിയായി, റാഞ്ചലായി അങ്ങനെപോകുന്നു കുറ്റങ്ങള്‍...മനുഷ്യനായി പിറന്നവര്‍ക്കൊന്നും എയര്‍ ഇന്ത്യയോട് പ്രതിഷേധിക്കാന്‍ പറ്റാത്ത സാഹചര്യം നിലനിക്കുന്നതിനാല്‍.....വിശ്വാസിയല്ലാത്തവനും വിശ്വസിക്കേണ്ടിവരും...... കൊടുത്തപണി വെരുകിന്‍റെ രൂപത്തിലായാലും തിരിച്ചു കിട്ടും....

സത്യം പറ വെരുകെ നീ ആരാണ്..??? മംഗലാപുരത്ത് മരണപ്പെട്ട ഏതെങ്കിലും ആളുടെ ആത്മാവാണോ നീ ???.ഒരു പകരം വീട്ടലിനു എത്തിയതാണോ??

എതായാലും നിനക്കൊരു സ്മാരകം പണിയണമെന്ന് ആഗ്രഹമുണ്ട്.പ്രവാസ അടിമകളുടെ കന്നുകാലിക്ലാസിനെതിരെ പ്രതിഷേധിച്ചതിന്.......

              “”...ജയ്‌ വെരുകുമാന്‍...””

4 comments:

  1. എങ്ങനെ പോയാലും അതിന്റെ അടിയും പ്രവാസിയുടെ തലയില്‍ വരും ...നികുതിയായും ചാര്‍ജ് വര്‍ദ്ധിപ്പിച്ചും .....
    ന്നാലും ഞാനും ജയ്‌ വെരുകുമാരന്‍ ...

    കൊള്ളാംട്ടോ ..
    ആശംസകളോടെ
    ആസൃസ്

    ReplyDelete
  2. അയ്യോ, വെരുകിടിച്ച് 50 കോടി പോയോ?
    അടുത്ത ആഴ്ച്ച തൊട്ട് ഗള്‍ഫ് ടിക്കറ്റ് ചാര്‍ജ് കൂടുമല്ലോ എന്നാല്‍.

    ReplyDelete
  3. എയര്‍ ഇന്ത്യക്കും വേണ്ടെ ചില പണികളൊക്കെ.!! :)

    ReplyDelete