**ഇന്ന് നിങ്ങളുടെ ജീവിതത്തിലെ ഒരു സുന്ദരദിവസമാകട്ടെ.. **

Wednesday, February 12, 2014

ഈ ഉണ്ടന്‍പൊരി കഴിക്കൂ;വോട്ട് ചെയ്യൂ


 വിദ്യാധരന്‍റെ വ്യാകുലചിന്തകള്‍
  മികച്ച അധ്യാപകനുള്ള പ്രസിഡന്റിന്‍റെ സ്വര്‍ണ്ണമെഡല്‍ നേടിയ ചാക്കോ മാഷ്‌ ഇന്നും താമസിക്കുന്നത് രണ്ടുമുറിയും അടുക്കളയും തിണ്ണയും മാത്രമുള്ള കൂരയിലാണ്... ഗാന്ധിസാഹിത്യവും, ലളിതജീവിതവും ആട്ടിന്‍പാലുംമാത്രം കുടിച്ചു ജീവിച്ചിട്ടും, മാതൃക അദ്ധ്യാപകനായിട്ടും മക്കളൊന്നും ഗുണം പിടിച്ചില്ല..എല്ലാം പഠിത്തം കഴിഞ്ഞ് തേരപാര നടക്കുന്നു. ഇന്റെര്‍വ്യൂകളില്‍ ഒരു റെക്കമെന്റ്റ് നടത്താന്‍ പോലും മാഷ്‌ തയ്യാറല്ല..എല്ലാം നേര്‍വഴി മാത്രം.... എന്നാല്‍ വി.ആര്‍.എസ് എടുത്ത് രാഷ്ട്രിയത്തിലേക്ക് ഇറങ്ങിയ തൊമ്മിസാറിനു വെച്ചടിവെച്ചു കയറ്റമാണ്. വാര്‍ഡ്‌ മെമ്പറായി തുടങ്ങി ഇപ്പോള്‍ എന്തോ കമ്മിഷന്‍ ചെയര്‍മാന്‍ സ്ഥാനംവരെ എത്തിയിരിക്കുന്നു.. അടുത്ത തിരഞ്ഞെടുപ്പില്‍ സ്ഥാനാര്‍ഥി യാകുമെന്നും കേള്‍ക്കുന്നു.. ഒരുനില വീടു ഇരുനില മാളികയായി... പത്തേക്കര്‍ തോട്ടം വാങ്ങി. മകളെ നൂറു പവനും കാറും കൊടുത്ത് കെട്ടിച്ചു. മക്കളെല്ലാം സര്‍ക്കാര്‍ ഉദ്യോഗസ്ഥര്‍. എല്ലാം കര്‍ത്താവിന്‍റെ കൃപ എന്നാണ് മൂപ്പരുടെ വാദം.. മലയോര ഹൈവേയ്ക്കും, പാലം, കലുങ്ക്,പാറമട എന്നിവയ്ക്കൊക്കെ ലക്ഷങ്ങളാണ് കമ്മിഷന്‍ വാങ്ങിയതെന്ന് ചുമ്മാ പറയുന്നതാണെന്നാണ് സില്‍ബന്ധികള്‍ പറയുന്നത്... വെറും എല്‍ പി സ്കൂള്‍ വാധ്യാര്‍ക്ക് കര്‍ത്താവ് ഇമ്മാതിരി കൃപയാണ് നല്‍കുന്നത്.. എന്നാല്‍ അതേ സ്കൂളിലെ ഹെഡ്മാഷും മാതൃക അധ്യാപകനുമായി വിരമിച്ച ചാക്കോമാഷ്‌ ഇന്നും അന്നത്തെപ്പോലെ തേങ്ങാവീണ് പൊട്ടിയ ഓട് മാറ്റാനായി ദിവസവും പണിക്കാരെ അന്വേഷിക്കുന്നു .. പൂട്ടിയാല്‍ മാത്രം പോര,,, നിലമറിഞ്ഞു പൂട്ടാന്‍ പഠിക്കണം..എന്നാലേ നല്ല വിളവെടുക്കാന്‍ കഴിയൂ... വെറും ചായക്കടയില്‍ ചായ അടിച്ചുകൊണ്ടിരുന്ന മോഡിസാര്‍ ഒന്നിരുട്ടി വെളുത്തപ്പോഴേക്കും ഇന്ത്യന്‍ പ്രധാനമന്ത്രിയാകാന്‍ പോകുന്നു.. ഭഗവാന്‍റെ കൃപ.. രാഷ്ട്രിയത്തില്‍ പൂട്ടാന്‍ പഠിച്ചാല്‍ എവിടെവരെ എത്താമെന്ന് അമര്‍ന്നിരുന്ന് പഠിക്കണം..... മോഡിസാറിന്‍റെ സംശുദ്ധ രാഷ്ട്രിയവും, പ്രാജാക്ഷേമ തല്പരതയും, സര്‍വോപരി എല്ലാ ഇന്ത്യാക്കാരെയും ഏകോദരസഹോദരന്മാരായി കാണാനുള്ള കഴിവും കണ്ട് നിരവധി പ്രമുഖര്‍ക്കാണ് മനംമാറ്റം വന്നിരിക്കുന്നത്..,കേരളത്തിലെ ഈഴവഗുരുവിനുപോലും മനംമാറ്റം വന്നുകഴിഞ്ഞു.. ശംഖുമുഖത്തു നടന്ന കായല്‍ സമ്മേളനത്തിലാണ് അങ്ങേര്‍ക്ക് മോഡിയെ ശരിക്കും മനസിലായത്..
 1912 ല്‍ കൊച്ചി മഹാരാജാവിന്‍റെ ഷഷ്ടിപൂര്‍ത്തിആഘോഷങ്ങളില്‍ പങ്കെടുക്കാന്‍ വള്ളത്തേല്‍ എത്തിയ ദളിതരെ സവര്‍ണ്ണനേതാക്കള്‍ കരയ്ക്കിറങ്ങാന്‍ സമ്മതിക്കാത്തതിനാല്‍ അവര്‍ വള്ളത്തിലിരുന്ന് മുദ്രാവാക്യങ്ങള്‍ വിളിക്കുകയും സവര്‍ണ്ണരുടെ അയിത്തനിലപാടുകള്‍ക്കെതിരെ  അന്നുതന്നെ കായലില്‍ വള്ളങ്ങള്‍ കൂട്ടിക്കെട്ടി സംഘടന രൂപികരിക്കുകയും ,കായല്‍ സമ്മേളനം നടത്തുകയും ചെയ്തു... ആ സംഘടനയുടെ സമ്മേളനം ഇപ്രാവശ്യം ഉല്ഘാടനം ചെയ്യാനാണ് മോഡിസാര്‍ ശംഖുമുഖത്തു വന്നത്.. ദളിതരുടെ ഉന്നമനത്തിനായി നല്ലവണ്ണം യക്നിക്കുന്ന നേതാവാണ്‌ മോഡിസാര്‍. അതറിയണമെങ്കില്‍ നര്‍മ്മദ പദ്ധതിയ്ക്ക് വേണ്ടി കുടിയൊഴിപ്പിക്കപ്പെട്ട ദളിതരെയൊന്നുകണ്ടാല്‍ മതി... അതിപ്പോഴാണ് ഗുരുസ്വാമിക്ക്‌ മനസിലായത്.. അതാണ്‌ മോഡി മാജിക്.. സത്യത്തില്‍ ഇപ്പോഴാണ് ഞാന്‍ പലതും തിരിച്ചറിഞ്ഞതെന്നാണ് സ്വയം പ്രഖ്യാപിത ഈഴവഗുരുവിന്‍റെ സാക്ഷ്യം... അതുപോലെ പലര്‍ക്കും ഇപ്പോള്‍ പലതും തിരിച്ചറിയാന്‍ തുടങ്ങിയിരിക്കുന്നു.... സിനിമ മേഖലയിലാണ് കൂടുതല്‍ മനംമാറ്റം നടന്നിരിക്കുന്നത്. മോഡിയുടെ പട്ടംപറത്തലുകണ്ടാണ്‌ സല്‍മാന്‍ഖാന് മനംമാറ്റം ഉണ്ടായത്... മോഡിയാണ് അടുത്ത പ്രധാനമന്ത്രിയെന്നദേഹം പ്രഖ്യാപിച്ചുകളഞ്ഞു.. ഇപ്പോഴിതാ മോഡിയോടുള്ള ഭക്തിബഹുമാനം മൂത്ത് മേഘ്ന പട്ടേലെന്ന സിനിമാനടി സ്വയം നഗ്നയായാണ് പിന്തുണ അറിയിച്ചിരിക്കുന്നത്. തുറന്നു കാണിക്കേണ്ട ഭാഗങ്ങള്‍ താമരപ്പൂക്കള്‍ കൊണ്ട് മറച്ചിരിക്കുന്നതാണ് ഇക്കാര്യത്തില്‍ പറയാനുള്ള ഒരേയൊരു ന്യൂനത...  മാറിടം പ്ലക്കാര്‍ഡുകൊണ്ട് മറച്ച് മറ്റൊരു പോസിങ്ങും നടത്തിക്കളഞ്ഞു.. ബിജെപി യും മോഡിയും മേഘ്ന പട്ടേലിനെ തള്ളിപ്പറഞ്ഞെങ്കിലും പൊതുജനങ്ങള്‍ അവരെ ഏറ്റെടുത്തുകഴിഞ്ഞു.. ഇങ്ങനെ എല്ലാം തുറന്നുകാണിക്കാനുള്ള ധൈര്യം എത്ര പേര്‍ക്കുണ്ട്... രാഷ്ട്രിയത്തില്‍ എല്ലാം തുറന്നുകാണിക്കാനുള്ള ധൈര്യമാണ് വേണ്ടത്... അല്ലാതെ കരിക്കുകുടിക്കാനും പാലു കുടിക്കാനും ഒളിച്ചും പാത്തും നടക്കുന്നത് വെറും മോശം.. ഇപ്പോഴത്തെ സാഹചര്യത്തില്‍ ഒരു എം പി ആക്കാനുള്ള എല്ലാ യോഗ്യതകളും ആ ശരീരത്തില്‍ കാണുന്നുണ്ട്.  ബി ജെ പി സീറ്റ് കൊടുത്തില്ലേല്‍ ആരെങ്കില്‍ പരിഗണിക്കണം.. രാജ്യസേവനത്തിനു പറ്റിയ ബോഡി ലാങ്ങ്വേജാണ്.. പിന്തുണ പ്രഖ്യാപിക്കുന്നതും തുറന്നു കാണിക്കുന്നതുമെല്ലാം അവനവന്‍റെ സ്വന്തം ഇഷ്ടപ്രകരമായതുകൊണ്ട് അതില്‍ തെറ്റ് പറയാന്‍ കഴിയില്ല.. ഏതായാലും ഈ രീതിയില്‍ പ്രചരണം നടത്തുന്നത് ഇന്ത്യന്‍ രാഷ്ട്രിയത്തില്‍ വന്‍മാറ്റങ്ങള്‍ ഉണ്ടാക്കുമെന്നാണ് പ്രവചനം.. നിലവില്‍ രാഷ്ട്രിയത്തിലുള്ള നേതാക്കള്‍ ഇങ്ങനെ തുറന്നു കാണിക്കാന്‍ പോയാല്‍ പരമബോറായിരിക്കും.. ജനങ്ങളുടെ ചോര കുടിച്ചുവീര്‍ത്ത വയറും മറ്റുഭാഗങ്ങളുമൊക്കെ തുറന്നു കാണുകയാണെങ്കില്‍ ഇന്ത്യന്‍ രാഷ്ട്രിയം സുമോഗുസ്തക്കരെക്കൊണ്ട് നിറയും.. ജനസേവനം സമ്മാനിച്ച കൊഴുത്ത ഉടലുകള്‍ പട്ടിണിക്കോലങ്ങളായ ജനങ്ങള്‍ക്ക് പിടിക്കണമെന്നില്ല.. പകരം ഈ രീതിയില്‍ 36-24-36 ഷേപ്പുള്ള നടികള്‍ പ്രചാരണത്തിനിരങ്ങുകയാണെങ്കില്‍  വോട്ട് പെട്ടിയില്‍ വീഴും..


  കാര്യം എന്തൊക്കെ പറഞ്ഞാലും മേഘ്ന പട്ടേലിന്‍റെ നല്ല കാലം തെളിഞ്ഞുവെന്നുവേണം കരുതാന്‍ ..അത്യാവശ്യം തുറന്നു കാണിക്കുന്ന പലര്‍ക്കും പാര്‍ട്ടിക്കാര്‍ സീറ്റ് കൊടുക്കുന്ന കാലമാണിത്. ഏറ്റവും ഒടുവില്‍ കര്‍ണ്ണാടകത്തില്‍വരെ ഈ പ്രവണത  എത്തിനില്‍ക്കുന്നു.. അതാകുമ്പോള്‍ രാഷ്ട്രിയപ്രശ്നങ്ങളോന്നും ചര്‍ച്ച ചെയ്യേണ്ട... നാടുനീളെനടന്നു മോഹന വാഗ്ദാനങ്ങള്‍ കൊടുക്കേണ്ട...... ഈ രീതിയില്‍ നാലഞ്ചു റോഡ്‌ ഷോ നടത്തിയാല്‍ മതി.. നല്ലൊരു ശതമാനം വോട്ടുകള്‍ പെട്ടിയില്‍ വീഴും.. മേഘ്നപട്ടേല്‍  ഈ രീതിയില്‍ മോഡിക്ക് പിന്തുണകൊടുത്ത സ്ഥിതിയ്ക്ക് രാഹൂല്‍ പ്രധാനമന്ത്രിയാകണമെന്നാഗ്രഹിക്കുന്ന നടിമാരും തങ്ങളുടെ നിലപാട് വ്യക്തമാക്കണം.. മേഘ്ന ചില ഭാഗങ്ങള്‍ താമരയും പ്ലക്കാര്‍ഡും ഉപയോഗിച്ച് മറച്ചെങ്കില്‍ അതും ഉപേക്ഷിച്ച് പ്രദര്‍ശനം നടത്തണമെന്നാണ് ഈ നാടിന്‍റെ സമഗ്രമായ ഉദ്ധാരണം ആഗ്രഹിക്കുന്ന ഞങ്ങള്‍ക്ക് പറയാനുള്ളത്.. സ്ഥാനാര്‍ഥികള്‍ക്ക് പിന്തുണ പ്രഖ്യാപിച്ചുകൊണ്ട് ഇത്തരത്തിലുള്ള  റോഡ്‌ ഷോകള്‍ സംഘടിപ്പിക്കണം.. ജനങ്ങള്‍ക്ക് നല്ല ഉദ്ധാരണം ഉണ്ടാകാന്‍ ഇതു വളരെ സഹായകമാണ്.. അതിന്‍റെ അളവറിയാന്‍   ജനങ്ങള്‍ക്കിടയിലെക്ക് ഇറങ്ങിച്ചെല്ലാനും മടിക്കരുത്.. എഴുപതു കഴിഞ്ഞ രാഷ്ട്രിയതാപ്പാനകളുടെ പിച്ചുംപേയും കേള്‍ക്കുന്നതിനെക്കാള്‍ എന്തുകൊണ്ടും ഞരമ്പുകളിലെ രക്തം തിളയ്ക്കാന്‍ ഇത്തരം പ്രചരണമാണ് നല്ലത്.. ഇത്തരത്തില്‍ ഏറ്റവും കൂടുതല്‍ നടികളെ പങ്കെടുപ്പിക്കുന്ന പാര്‍ട്ടികള്‍ക്കും സ്ഥാനാര്‍ഥികള്‍ക്കും ആയിരിക്കണം വോട്ടു കൊടുക്കേണ്ടത്.. മാത്രമല്ല ഇത്തരത്തില്‍ സ്വയം പിന്തുണ പ്രഖ്യാപിച്ചുകൊണ്ട് മുന്നോട്ട് വരുന്ന തരുണിമണികളെ പാര്‍ട്ടിഓഫീസുകള്‍തോറും കണ്‍സല്‍ട്ടന്റുകളായി നിയമിക്കുയാണെങ്കില്‍ ലിംഗവിശപ്പ് മൂത്ത ഓഫീസ് ഭാരവാഹികള്‍ക്ക് അതൊരു ആശ്വാസമാകും...കണ്‍സല്‍ട്ടന്റുകള്‍ക്കാകുമ്പോള്‍ വിയര്‍പ്പോഹരി കൊടുത്താല്‍ മതിയാകും.. തൂപ്പുജോലി ചെയ്തുജീവിക്കുന്ന സാധുസ്ത്രീകള്‍ കൊലചെയ്തു കുളത്തിലെറിയപ്പെടാതിരിക്കാനെങ്കിലും അത് ഉപകരിക്കും.. 

9 comments:

  1. വേണുഗോപാല്‍February 12, 2014 at 3:06 PM

    ആരുടെയൊക്കെ മുന്നില്‍ എന്തൊക്കെ അഴിച്ചാലാണ് ഒരു സീറ്റ് തരമാക്കാന്‍ പറ്റുക

    ReplyDelete
  2. ഹി ഹി അഴിച്ചാല്‍ മാത്രം പോര പെര്‍ഫോമന്‍സും കാണിച്ചുകൊടുക്കേണ്ടിവരും

    ReplyDelete
  3. This comment has been removed by the author.

    ReplyDelete
  4. ബീജേപ്പിയായതുകൊണ്ട് താമര വച്ച് മറച്ചു
    കാങ്കിരസ് ആയാല്‍ കൈപ്പത്തിയായിരിയ്ക്കും മറവ്

    ReplyDelete
  5. ലിംഗവിശപ്പ് മൂത്ത ഓഫീസ് ഭാരവാഹികള്‍ക്ക് അതൊരു ആശ്വാസമാകും...കണ്‍സല്‍ട്ടന്റുകള്‍ക്കാകുമ്പോള്‍ വിയര്‍പ്പോഹരി കൊടുത്താല്‍ മതിയാകും.. തൂപ്പുജോലി ചെയ്തുജീവിക്കുന്ന സാധുസ്ത്രീകള്‍ കൊലചെയ്തു കുളത്തിലെറിയപ്പെടാതിരിക്കാനെങ്കിലും അത് ഉപകരിക്കും..

    you rock!

    ReplyDelete
  6. പ്രേംകുമാര്‍February 13, 2014 at 9:41 AM

    മാഷേ താങ്കള്‍ പറഞ്ഞപോലെ രണ്ടു വശവും തുണിയഴിച്ച് തുടങ്ങി മോഡിയ്ക്ക് വേണ്ടി നടി മേഘ്ന തുണിയഴിച്ചപ്പോള്‍ രാഹുലിന് വേണ്ടി നടി നടി തനിഷ സിംഗ് തുണിയഴിച്ച്..... ഇതൊരു മത്സരമായി തുടരട്ടെ

    ReplyDelete
  7. ബിജെപി യ്ക്കും കൊണ്ഗ്രസ്സിനും വേണ്ടി നടികള്‍ തുണിയഴിച്ച് പ്രദര്‍ശനം നടത്തുന്നു..ഇനി അഴിക്കാനുള്ളവരും വേഗം അഴിക്കണം എല്ലാം ഉള്‍ക്കൊള്ളാനുള്ള യോഗ്യത നോക്കിയാണ് സീറ്റ് വിഭജനം ..നാണം കെട്ട വര്‍ഗ്ഗങ്ങള്‍

    ReplyDelete
  8. മറവില്ലാതെ ഇനി പയറ്റിലേക്ക്..............

    ReplyDelete